Leiðbeiningar

✅ Bestu skrefin til að undirbúa Stálhreiður pönnuna eða pottinn fyrir notkun

1. Þvoðu pönnuna/pottinn fyrst

Notaðu volgt vatn, mjúkan svamp og mildan uppþvottalög.

Þurrkaðu pönnuna/pottinn vandlega með pappír.

2. Hitun

Settu tóma pönnuna/pottinn á meðalháan hita í 1-2 mínútur til að tryggja að hún/hann sé alveg þurr og aðeins volg/ur.

3. Léttur olíuáburður

Helltu örlitlu af matarolíu (t.d. kókosolíu, repjuolíu eða öðru sem þolir háan hita) á pönnuna/pottinn.

Notaðu eldhúspappír til að dreifa olíunni jafnt yfir allann botninn og hliðarnar.

4. Hitun með olíu

Hitaðu pönnuna/pottinn með olíunni á meðalhita í ca. 2 mínútur.

Passaðu að olían byrji ekki að reykja. Markmiðið er að olían "baki sig inn" í húðina.

5. Kæling og þurrkun

Taktu pönnuna/pottinn af hellunni og láttu hana/hann kólna alveg.

Þurrkaðu umfram olíu með hreinum eldhúspappír.

ℹ️ Viðhald 

Við mælum með að endurtaka þetta "coating" ferli ca. einu sinni í mánuði eða eftir mikla hreinsun í uppþvottavél.

Þó svo að pannan megi fara í uppþvottavél þá er gott að handþvo hana annað slagið að hámarka non-stick eiginleika og líftíma.

Þegar pannan er handþvegin þá mælum við með að nota mjúkan svamp og milda sápu.